按：吳雪香家娘姨小妹姐見外甥女阿巧要哭，駭異問道：「啥嗄？」阿巧哭道：一我勿去哉！」小妹姐不解，怔怔的看定阿巧；看了一會，問道：「阿是搭啥人相罵哉？」阿巧搖頭道：「勿是。早晨揩只煙燈，跌碎仔玻璃罩，俚哚無娒說，要我賠個。我到洋貨店裡買仔一隻末，嫌道勿好，再要去買，換一家洋貨店，說要買好個。等到買得來，原勿好，要我去調，拿跌碎個玻璃罩一淘帶得去，照樣子買一隻。洋貨店裡說要兩角洋錢哚，調來也匆肯調。我做俚哚大姐，一塊洋錢一月，正月里做下來勿滿三塊洋錢，早就寄到仔鄉下去哉，陸里再有兩角洋錢？」
小妹姐聽說，倒笑起來，道：「故末阿有啥要緊嗄？耐個小干仵末也少有出見個！耐拿玻璃罩放來浪，明朝我搭耐去買。」阿巧忙道：「無娒；勿呀！俚哚個生活，我做勿轉呀！
早晨一起來末，三隻煙燈，八隻水煙筒，才要我來收捉。再有三間房間，掃地、揩檯子、倒痰盂罐頭，陸里一樣勿做嚇半日汰衣裳，几几花花衣裳，就交撥我一干仔，一日到夜總歸無撥空。有辰光客人碰和，一夜天勿困；到天亮碰好仔，俚哚末去困哉，我末收捉房間。」小妹姐道：「俚哚再有兩個大姐喤，來浪做啥？」阿巧道：「俚哚兩家頭阿肯做生活嗄！十二點鐘喊俚哚起來吃中飯，就搭先生梳一個頭；梳好仔頭末，無事體哉，橫來保榻床浪，擱起仔腳吃鴉片煙；有客人來，搭客人講講笑話，蠻寫意。我末絞手巾、裝水煙忙煞。大月底，看俚哚拆下腳洋錢，三四塊、五六塊，阿要開心！我是一個小銅錢也匆曾看見。」說到這裡，又哇的哭出聲來。
小妹姐正色道：「耐末總歸自家做生活，要勿去學俚哚個樣。俚哚來浪拆下腳洋錢，耐也要勿去眼熱。故歇生來要吃點虧，耐要會梳仔個頭末好哉。勿然我搭耐說仔罷，剛剛鄉下上來，頭一家做生意就匆高興出來，出來仔耐想做啥？再有啥人家要耐？」阿巧嗚咽道：「無娒，耐勿曉得呀！單是做生活倒罷哉，我來里做生活，俚哚再要搭我噪。我匆噪末，俚哚就匆快活，告訴無娒，說我做生活勿高興。碰著會噪點個客人，俚哚同客人串通仔，拿我來尋開心：一個客人拉住仔個手，一個客人扳牢仔個腳，俚哚兩家頭來剝我褲子。」說著，復嗚嗚咽咽哭個不住。卻引得葛仲英、吳雪香都好笑起來。小妹姐也笑了，急問：「阿曾剝嗄？」阿巧哭道：「啥勿曾剝！倒是先生看匆過，拉我起來。無娒曉得仔，例說我小干仵哭哭笑笑，討人厭。」吳雪香按說道：「客人也忒啥無淘成！人家一個大姐，耐剝脫俚褲子，阿是勿作興個！」葛仲英道：「一塊洋錢一月，阿怕無撥人家要？要勿到俚哚去做哉！」小妹姐獨無言。
迨房間內收拾已畢，葛仲英、吳雪香將要安置，小妹姐乃向阿巧道：「耐就匆做，也等我尋著仔人家末好出來，故歇耐轉去，噥兩日再說。」阿巧道：「價末無娒要搭我尋個喤！」
小妹姐道：「曉得哉，耐去罷。」阿巧又問：「煙燈罩阿要賠嗄？」小妹姐叫把跌碎的留下：「明朝我去買。」又叮囑：「難末做生活當心點！」
阿巧答應，辭了小妹姐，仍歸至尚仁里衛霞仙家。那時客堂里宣卷道流正演說《洛陽橋》故事，許多閑人簇擁觀聽。阿巧概不理會，徑去後面小房間見老鴇衛姐，回說：「煙燈罩洋貨店裡勿肯調，明朝無娒去買得來。」衛姐道：「耐到無娒搭去個？」阿巧說：「去個。」衛姐嗔道：「一點點事體，再要去告訴無娒！阿是告訴仔耐無娒末要勿賠哉？」
阿巧不敢頂嘴，踅上樓來，只見衛霞仙房裡第二台吃酒客人尚未盡散。那客人乃北信典鋪中翟掌柜暨幾個朝奉，正是會噪的。阿巧自思生意將歇，何必再去巴結，遂不進房，竟去亭子間煙榻上暗中摸索睡下；聽得前面一陣陣嘻笑之聲不絕於耳，那裡睡得著。隨後拖台極凳，又夾著「忽刺刺」牙牌散落聲音，知道是碰和了。阿巧正要起身，卻聽得那兩個大姐出房喊外場起手巾，復下樓尋阿巧。衛姐說：「阿巧來里樓浪唍，常恐去因哉。」一個大姐道：「俚倒開心哚唍！耐去喊喤。」一個大姐道：「我匆去喊，俚勿高興做生活末，倪來做末哉。啥稀奇！」
阿巧聽了，賭氣復睡，只因心灰意懶，遂不覺沉沉一覺。
直到日上三竿，阿巧醒來，坐在榻上，揉揉眼睛，側耳聽時，樓下寂然，宣卷已畢，惟衛霞仙房中碰和之後，外場搬點心進去，客人和兩個大姐兀自噪做一團。阿巧依然迴避，徑往灶下揩一把面，先將空房間收拾起來。
須臾，小妹姐來了。阿巧且不收拾，留心竊聽。聽得小妹姐到小房間見了衛姐，把買的煙燈罩交付，問衛姐：「阿對？」
呵呵笑道：「耐末去上小干仵個當，倒真真去買得來哉！我為仔俚做生活勿當心，說要俚賠末，讓俚當心點，阿是真箇教俚賠嗄？」說著，取兩角小洋錢給還小妹姐。小妹姐堅卻不收。
衛姐只得道謝，隨拉小妹姐並坐閑談。衛姐又道：「該個小干仵生活倒無啥，就不過獨幅點。來里堂子里，有個把客人要搭俚噪噪，也無啥要緊唍，俚乃噪仔要匆快活個。」
阿巧聽到這裡，越發生氣，不欲再聽，仍回空房間來收拾。
等得小妹姐辭別衛姐出門，阿巧忙趕上去，叫聲「無娒」，直跟至弄堂轉彎處，方問：「無娒阿去搭我尋人家？」小妹姐道：「耐啥要緊得來！就有人家末，也要過仔該節哚，故歇陸里去尋？」阿巧復再三叮嚀而歸。
小妹姐去後，接連數日，不得消息。阿巧囡沒工夫，亦不曾去吳雪香家探望。到了三月十四這一日，阿巧早起，正在客堂里揩擦水煙筒，忽見一肩轎子停在門首，一個娘姨打起轎簾，攙出一個半老佳人，舉止大方，妝飾人古。阿巧揣度當是誰家奶奶。那奶奶滿面怒氣，挺直胸脯踅進大門，即高聲問：「該搭阿是衛霞仙？」阿巧應說：「是個。」那奶奶並不再問，帶領娘姨徑上樓梯。阿巧詫異得緊，且向門首私問轎班，方知為姚季蒓正室。阿巧急跑至小房間告訴衛姐。衛姐不解甚事，便和阿巧飛奔上樓，跟隨姚奶奶都到衛霞仙房裡來。
其時衛霞仙面窗端坐，梳洗未完。姚奶奶一見，即復高聲問道：「耐阿是衛霞仙？」霞仙抬頭看了，猛吃一驚，將姚奶奶上下打量一回，才冷冷的答道：「我末就是衛霞仙哉喤。耐是啥人嗄？」姚奶奶儼然向高椅坐下，嚷道：「勿搭耐說閑話！
二少爺喤？喊俚出來！」霞仙早猜著幾分來意，仍冷冷的答道：「耐問陸里一個二少爺嗄？二少爺是耐啥人嗄？」姚奶奶大吼，舉手指定霞仙面上道：「耐要勿來浪假痴假呆！二少爺末是我家主公，耐拿二少爺來迷得好！耐阿認得我是啥人？」
說著，惡狠狠瞪出眼睛，像要奮身直撲上去。霞仙見如此情形，倒不禁啞然失笑；尚未回言，阿巧膽小怕事，忙去取茶碗，撮茶葉，喊外場沖了開水，說：「姚奶奶請用茶。」再拿一支水煙筒，問：「姚奶奶阿用煙？我來裝。」衛姐也按住姚奶奶，沒口子分說道：「二少爺該搭勿大來個呀，故歇長遠勿來哉。
真真難得有轉把叫個局，酒也匆曾吃歇。姚奶奶要勿去聽別人個閑話。」
大家七張八嘴勸解之際，被衛霞仙一聲喝住道：「要勿響！
瞎說個多花啥！」於是霞仙正色向姚奶奶朗朗說道：「耐個家主公末，該應到耐府浪去尋唍。耐啥辰光交代撥倪，故歇到該措來尋耐家主公？倪堂子里倒勿曾到耐府浪來請客人，耐倒先到倪堂子里來尋耐家主公，阿要笑話！倪開仔堂子做生意，走得進來，總是客人，阿管俚是啥人個家主公！耐個家主公末，阿是勿許倪做嗄？老實搭耐說仔罷：二少爺來里耐府浪，故末是耐家主公；到仔該搭來，就是倪個客人哉。耐有本事，耐拿家主公看牢仔，為啥放俚到堂子里來白相，來里該搭堂子里，耐再要想拉得去，耐去問聲看，上海夷場浪阿有該號規矩？故歇要勿說二少爺勿曾來，就來仔，耐阿敢罵俚一聲，打俚一記！
耐欺瞞耐家主公。勿關倪事；要欺瞞仔倪個客人，耐當心點！
二少爺末怕耐，倪是匆認得耐個奶奶唍！」一席話說得姚奶奶頓口無言，回答不出，登時漲得徹耳通紅，幾乎迸出急淚來。
正待想一句來扳駁，只見霞仙復道：「耐是奶奶呀，阿是奶奶做得勿耐煩仔了，也到倪該搭堂子里來尋尋開心？可惜故歇無啥人來打茶會！倘然有個把客人來里，我教客人捉牢仔耐強姦一泡，耐轉去阿有面孔！耐就告到新衙門裡，堂子里姦情事體也無啥希奇唍！」
不料這裡說得鬧熱，樓下外場驀喊一聲「客人上來」。霞仙便道：「來得正好，清房裡來。」衛姐掀起帘子，迎進一個四十餘歲的客人，三綹髭鬚，身材肥胖，原來即系北信典鋪翟掌柜。早嚇得姚奶奶心頭小鹿兒橫衝直撞，坐也不是，走也不是，又羞又惱，那裡還說得出半「個」字。
翟掌柜進房，且不入座，也將姚奶奶上下打量一回，終猜不出是什麼人。霞仙笑問翟掌柜道：「耐阿認得俚？俚末是姚季蒓姚二少爺個家主婆，今朝到