按：羅子富正要朱藹人擺庄，忽聽得黃二姐低聲叫「羅老爺」。子富不及豁拳，丟下便走。黃二姐在外間迎著，道：「阿要金鳳來替耐豁兩拳？」子富點點頭，黃二姐遂進房到檯面上去。子富自過對過房間里，只見黃翠鳳獨自一個坐在桌子傍邊高椅上，面前放著那一對金釧臂。翠鳳見子富近前，笑說：「來喤。」揣住子富的手捺到榻床坐下，說道：「倪無娒上耐當水，聽仔耐閑話，快活得來！我就曉得耐是不過說說罷哉。
耐有蔣月琴來哚，陸里肯來照應倪？倪無娒還拿仔鍘臂來撥我看。我說：『釧臂末啥稀奇，蔣月琴哚勿曉得送仔幾花哉！就是倪也有兩副來里，才放來哚用勿著，要得來做啥？』耐原拿仔轉去罷。隔兩日，耐真箇蔣月琴搭勿去仔，想著要來照應倪，再送撥我正好。」
子富聽了，如一瓢冷水兜頭澆下，隨即分辨道：「我說過蔣月琴搭定規勿去哉。耐勿相信末，我明朝就教朋友去搭我開消局帳，阿好？」翠鳳道：「耐開消仔，原好去個唍。耐搭蔣月琴是老相好，做仔四五年哉，俚哚也蠻要好。耐故歇末說勿去哉，耐要去起來，我阿好勿許耐去？」子富道：「說仔勿去，阿好再去嗄？說閑話勿是放屁。」翠鳳道：「隨便耐去說啥，我匆相信晚耐自家去想喤，耐末就說是勿去，俚哚阿要到耐公館裡來請耐嗄？俚要問耐，阿有啥得罪仔耐了動氣，耐搭俚說啥？阿好意思說倪教耐要勿去嗄？」子富道：「俚請我，我匆去，俚阿有啥法子？」翠鳳道：「耐倒說得寫意哚。耐勿去，俚哚就罷哉。俚定歸要拉耐去，耐阿有啥法子？」子富自己籌度一回，乃問道：「價末耐說要我那價喤？」翠鳳道：「我說，耐要好末，要耐到倪搭來住兩個月，耐勿許一干仔出門口。
耐要到陸里，我搭耐一淘去。蔣月琴哚也匆好到倪搭來請耐。
耐說阿好？」子富道：「我有幾花公事哚，陸里能夠匆出門口？」
翠鳳道：「勿然末，耐去拿個憑據來撥我。我拿仔耐憑據，也匆怕耐到蔣月琴搭去哉。」子富道：「故阿好寫啥憑據嗄？」
翠鳳道：「寫來哚憑據，阿有啥用場！耐要拿幾樣要緊物事來放來里，故末好算憑據。」子富道：「要緊物事，不過是洋錢唍。」翠鳳冷笑道：「耐看出倪來啥邱得來！阿是倪要想頭耐洋錢嗄？耐末拿洋錢算好物事，倪倒無啥要緊。」子富道：「價末啥物事喤？」翠鳳道：「耐要勿猜仔倪要耐啥物事。倪也為耐算計，不過拿耐物事來放來里，倘忙耐要到蔣月琴搭去末，想著有物事來哚我手裡，耐也匆敢去哉，也好死仔耐一條心。耐想阿是？」
子富忽然想起，道：「有來里哉，坎坎拿得來個拜匣，倒是要緊物事。」翠鳳道：「就是拜匣蠻好，耐放來里仔阿放心？
我先搭耐說一聲，耐到蔣月琴搭去仔一埭，我要拿出耐拜匣里物事來，一把火燒光個喤。」子富吐舌搖頭道：「阿唷，利害哚！」翠鳳笑道：「耐說我利害，耐也識差仔人哉！我做末做仔個倌人，要拿洋錢來買我倒買勿動喤。要勿說啥耐一對釧臂哉，就擺好仔十對釧臂，也匆來里我眼睛裡。耐個釧臂，耐原拿得去。耐要送撥我，隨便陸里一日送末哉。今夜頭倒要勿撥來耐看輕仔，好像是倪看中仔耐釧臂。」一面說，一面向桌上取那一對金釧臂，親自替子富套在手上。子富不好再強，只得依他，道：「價末原放來哚拜匣里，隔兩日再送撥耐也無啥。
不過拜匣里有幾張棧單庄票，有辰光要用著末，那價？」翠鳳道：「耐用著末，拿得去末哉。就匆是棧單庄票，倘忙有用著個辰光，耐也好來拿個唍。到底原是耐個物事，阿伯倪吃沒仔了？」子富復沉吟一回，道：「我要問耐，耐為啥釧臂是勿要喤？」翠鳳笑道：「耐陸里猜得著我意思。耐要曉得做仔我，耐要勿看重來哚洋錢浪。我要用著洋錢個辰光，就要仔耐一千八百，也算勿得啥多；我用勿著，就一厘一毫也匆來搭耐要。
耐要送物事，送仔我釧臂，我不過見個情；耐就去拿仔一塊磚頭來送撥我，我倒也見耐個情。耐摸著仔我脾氣末好哉。」
子富聽到這裡，不禁大驚失色，站起身來道：「耐個人倒稀奇哚！」遂向翠鳳深深作揖下去，道：「我今朝真真佩服仔耐哉。」翠鳳忙低聲喝住，笑道：「耐阿怕難為情嗄？撥俚哚來看見仔，算啥？」說著，仍揣住子富的手，說：「倪對過去罷。」挈至房門口，即推子富先行，翠鳳隨後，同向檯面上來。
那時出局已散。黃二姐正幫著金鳳等張羅，望見子富，報說：「羅老爺來哉。」朱藹人道：「倪要吃稀飯哉，耐坎坎來。」
子富道：「再豁兩拳。」陶雲甫道：「耐末倒有趣去，倪搭藹人吃仔幾花酒哚。」子富帶笑而告失陪之罪，隨叫拿稀飯來。
席間如何吃得下，不過意思而已。
當時席散，各自興辭。子富送至樓梯邊，見楊嘯庵在後，因想著說道：「我有點小事體，托耐去辦辦。明朝碰頭仔再搭耐說。」嘯庵應諾。等到陶雲甫、朱藹人轎子出門，然後湯嘯庵步行而歸。
羅子富回到房間里，外場已撤去檯面，趙家娒把笤帚略掃幾帚，和小阿寶收拾了茶碗出去。子富隨意閑坐，看翠鳳卸頭面。須臾，黃二姐復進房與子富閑談。翠鳳便令取出那隻拜匣來，交與子富。子富乃褪下釧臂，放在拜匣里。黃二姐不解何故，兩隻眼汩油油的，看看子富，看看翠鳳。翠鳳也不理他，子富照舊鎖好。翠鳳又令黃二姐將拜匣去放在後面官箱里。黃二姐才自明白，捧了拜匣要走，卻回頭問子富道：「耐轎子阿教俚哚打轉去？」子富道：「耐去喊高升來。」黃二姐乃去喊了高升上樓。子富吩咐些說話，叫高升隨轎子回公館去了。隨後小阿空來請翠鳳對過房間里去。
翠鳳將行，見房裡只剩子富一個，即問：「珠鳳呢？」小阿寶道：「無娒教俚哚團去哉。」翠鳳看掛鐘，已敲過四點，方不言語，便向樓窗口高聲喊道：「耐哚人才到仔陸里去哉！」
趙家娒在樓下，連忙接應，一徑來見子富，問道：「羅老爺，安置罷？」子富點點頭。於是趙家娒鋪床吹燈，掩門退出。子富直等到翠鳳歸房安睡。一宿無話。
子富醒來，見紅日滿窗，天色尚早。小阿寶正拿抹布揩拭櫥箱桌椅，也不知翠鳳那裡去了。聽得當中間聲響，大約在窗下早妝。再要睡時，卻睡不著。一會兒，翠鳳梳好頭，進房開櫥脫換衣裳。子富遂坐起來，著衣下床。翠鳳道：「再困歇喤，十點鐘還勿曾到喤。」子富道：「耐起來仔啥辰光哉？」翠鳳笑道：「我因勿著哉呀，七點多鐘就起來哉。耐正來哚唿頭裡。」
趙家娒聽見子富起身，伺候洗臉、刷牙、漱口。隨問點心子富說：「勿想吃。」翠鳳道：「停歇吃飯罷。」趙家娒道：「冷飯還有歇哪喤。」子富道：「等歇正好。」翠鳳道：「教俚哚趕緊點。」趙家娒承命去說。子富復叫住，問：「高升阿曾來？」趙家娒道：「來仔歇哉。我去喊得來。」高升聞喚，見了子富，呈上字條一張，洋錢一卷，問：「阿要打轎子？」
子富道：「今朝禮拜，無啥事體，轎子勿要哉。」因轉問翠鳳：「倪去坐馬車阿好？」翠鳳道：「好個。倪要坐兩把車哚。」
子富也不則聲，再看那張條子，乃是當晚洪善卿請至周雙珠家吃酒的，即隨手撩下。高升見沒甚吩咐，亦遂退去。
子富忽然記起一件事來，向翠鳳道：「我記得舊年夏天，看見耐搭個長條子客人夜頭來哚明園。我匆曉得耐名字叫啥；曉得仔名宇，舊年就要來叫耐局哉。」翠鳳臉上一呆，答道：「倪勿然搭客人一淘坐馬車也無啥要緊，就為仔正月里有個廣東客人要去坐馬車，我匆高興搭俚坐，我說：『倪要坐兩把車哚。』就說仔一句，也匆曾說啥。耐曉得俚那價？俚說：『耐勿搭客人坐也罷哉；只要我看見耐搭客人一淘坐仔馬車末，我來問聲耐看。故末叫勿人味哚。』」子富道：「耐搭俚說啥？」
翠鳳道：「我啊？我說：『倪馬車一個月難得坐轉把，今朝為是耐第一埭教得去，我答應仔耐，耐倒說起閑話來哉。我匆去哉，耐請罷。』」子富道：「俚下勿落台哉唍？」翠鳳道：「俚末只好搭我看看哉喤。」子富道：「怪勿得耐無娒也說耐有點脾氣哚。」翠鳳道：「廣東客人野頭野腦。老實說，勿高興做俚，巴結俚做啥？」
說話之間，不覺到了十二點鐘。只見趙家娒端著大盤、小阿寶提著酒壺進房，放在靠窗大理石方桌上，安排兩副杯署，請子富用酒。翠鳳親自篩了一雞缸杯，奉與子富，自己男取小銀杯，對坐相陪。黃二姐也來見子富，幫著讓菜，說道：「耐吃倪自家燒來哚菜水，阿好？」子富道：「自家燒，倒比廚子好。」黃二姐道：「倪有廚子。」隨指一碗小火方、一碗清蒸鴨掌，說：「是昨日檯面浪個菜。」翠鳳向黃二姐道：「耐也來吃仔口罷。」黃二姐道：「勿要，我下頭去吃。我去喊金鳳來陪陪耐哚。」子富道：「慢點去。」遂取那一卷洋錢交與黃二姐，開消下腳等項。黃二姐接了道：「謝謝耐。」子富問他：「謝啥？」黃二姐笑道：「我先替俚哚謝